Kryedemokrati Lulzim Basha deklaroi ditën e sotme se Presidenti Ilir Meta do të marrë votat e Berishës e më pas t’ia dërgojë kryeministrit Edi Rama. Gjatë takimit me demokratët e njësisë 4 në Tiranë, Basha tha se të tre ata bëhen bashkë kur i cënohen interesat e tyre. Ndërkohë, Basha tha se në vitin 2018, Berisha dhe Meta firmosën ndërsa ditën e sotme janë kundër vettingut. Në fund ai shtoi se kushdo që ka akuza ndaj tij, mund ti dërgojë në SPAK.
“Kur dolën listat e patronazhistëve u kuptua që çdo shtyllë ka rënë. Mund të rrimë të heshtur duke mos u future në betejë. Mund ta lëmë Ilir Metën që me dorën e Sali Berishës të marri prap vota dhe t’i çojë prapë te Edi Rama. Shikoni si bëhen bashkë kur i cenohen interesat. Në vitin 2018 Berisha dhe Meta firmosë dhe sot janë kundër vettingut. Unë u them merri akuzat ndaj meje dhe çojini në SPAK. Atje të bëhet vettingu i politikanëve. I familjeve të çdokujt dhe familjeve të kujtdo. Duan të bëjnë shpifje. Të tre i bashkon frika ndaj të vërtetës”, tha Basha.
g.kosovari
