Kryetari i Partisë Demokratike Lulzim Basha, ka reaguar pas vdekjes së aktorit të njohur Valter Gjoni. Në një postim në rrjetet sociale, Basha i ka shprehur ngushëllime familjes për humbjen e trishtë, sakaq thotë se Gjoni ishte një artist model në Tiranë dhe që la pas një trashëgimi të pashlyeshme kulturore.
“Me hidhërim mësova lajmin e ndarjes nga jeta të Valter Gjonit, artistit, diplomatit dhe qytetarit model të Tiranës së cilës i shërbeu me përkushtimin dhe mirësinë që shoqëroi çdo ditë të jetës së tij. Dhimbjes së familjes dhe miqve të tij i bashkohem me ngushëllimet dhe lutjet e mija që shpirti i tij të prehet në paqe. Nderim dhe mirënjohje të thellë për kontributin dhe trashëgiminë e pashlyeshme që Valter Gjoni i la bujarisht kryeqytetit dhe kulturës sonë.”- shkruan Basha.
Aktori i njohur shqiptar Valter Gjoni, ka ndërruar jetë ditën e sotme në moshën 66-vjeçare. Gjoni, i cili ishte drejtor Protokolli në Bashkinë e Tiranës, ka humbur jetën për shkak të koronavirusit. Lajmin e ka bërë të ditur Kryetari i Bashkisë së Tiranës, Erion Veliaj në një postim në rrjetet sociale ku dhe i ka shprehur ngushëllime familjes.
g/kosovari
