Kreu i PD, Lulzim Basha, ka marrë fjalën në protestë duke thënë se sot është një ditë e rëndësishme, pasi një javë më parë demokratët kremtuan 25 vjetorin e lirisë.
“Të drejtën për të pasur zgjedhje të lira, nuk e negociojmë me asnjë kusht. Ne i komunikuam Ramës dhe Metës shpirtin e shqiptarëve që nuk ka qeveri ta ndalojë. Dy vite e kusur që kur kjo qeveri sillet si bandë, mori pushtetin. Ekonomia kombëtare, gjendja juaj është e para që i rrëzoi këta mashtrues” – tha Basha.
Sipas tij, ekonomia e vendit tregon se në dy vite qeverisje u mbyllën mijra vende pune dhe shumë familje humbën ndihmën ekonomike.
“Ekonomia e rrëzoi Edi Ramën dhe Ilir Metën, sepse tregoi se ranë investimet dhe u rrit mjerimi” – tha Basha para protestuesve që kanë rrethuar Kuvendin.
Ai bëri thirrje për protesta pa pushim gjer në rrëzimin e qeverisë. “Rama ka rezervuar vende pune vetem per trafikantet dhe ka hequr demokratet. I kemi dal zot e do t’i prijmë betejës deri në fitore” – tha kreu i demokratëve.
