Kryetari i PD-së Lulzim Basha reagoi mbrëmjen e së premtes ndaj vendimit të prokurorisë së Fierit, e cila mbylli çështjen e ngritur ndaj ministrit të Rendit Saimir Tahiri, pas akuzave të ish shefit të Antidrogës, Dritan Zagani, për përfshirjen e tij në trafiqet e lëndëve narkotike.
Me anë të një deklarate, vendimin e sotëm të organit të akuzës, Basha e cilësoi si “dëshminë që tregon se ministri ka shërbëtorët e tij në drejtësi, gjyqtarë dhe prokurorë të korruptuar e të përulur para baronëve e kumbarëve në qeveri”.
Në deklaratën e tij, Basha ndër të tjera thekson se “nuk ka as prokuror mercenar, as gjykatës nën presion, që mbulon mëkatet dhe krimet e Tahirit. Çdo shqiptar e di sot se Audi i tij me imunitet ministror, ishte taksia me e famshme e drogës në aksin Fier-Vlorë, një implikim skandaloz në narkotrafik”.
“Ky soj mercenarësh në drejtësi është drejtësia e kapur që kërkon Edi Rama,” pëfundoi deklaratën e tij kreu demokrat