Kryetari i PD-së Lulzim Basha, ka akuzuar kryeministrin Edi Rama, se po dhunon opozitën. Sipas tij, kjo dhunë tregon qartë se pushteti i kryeministrit Rama është në grahmat e fundit. Këto deklarata kreu i PD-së i bëri pas protestës së kësaj force politike dhe deputetëve të saj, tek Parkun e Liqenit, kundër ndëtimit të një Parku Lodrash për fëmijët. Sipas kreut të PD-së, ndërtimi i këtij parku lodrash është një aferë e kryemninistrit, Rama.
“Rama ka vendosur të kriminalizojë Policinë e Shtetit. Të ushtrojë dhunë ndaj përfaqësuesve të opozitës. Kemi të bëjmë me një tirani. Kemi një kryeministër nuk kufizohet nga ligjet dhe Kushtetuta sepse e sheh veten mbi Kushtetutën e ligjin. Ai po demonizon parkun. Ndërtimi nuk ka leje mjedisore e leje të falsifikuar ndërtimi. Faktet e dala në dritë janë tronditësë. Nuk bëhet fjalë për mijëra katror tek parku. Kemi rënie të shtetit ligjor, arrestim dhe vrasje shtetërore”, ka deklaruar Basha.
Ai I ka bërë thirrje prokurorisë që të mos hesht por të hetojë rastin e ndërtimit tek parku. Sipas tij heshtja e organit të akuzës e kompromenton rëndë këtë institucion.
“Qytetarët e dinë fare mirë pse po ndërtohet pa leje ndërtimi. Ka leje të falsifikuar. Nuk jepet përgjigje por ushtrohet dhunë. Shteti ka rënë, Kushtetuta dhunohet. Nuk jepet llogari. Është koha që qytetarët të marrin në dorë të drejtat e tyre. Qeveria është mbi ligjin. E sheh veten mbi Kushtetutën. Tiranit përmbysen”, ka deklaruar Basha.
Gjatë protestës së PD-së tek Liqeni u shënuan akte dhune ndaj policis, ku fillimisht protagonist ishin deputetë të PD-së dhe mbështetës stë kësaj force politike.
(javanews.al)
