Kreu demokrat Lulzim Basha ka shkruar mbrëmjen e sotme në Facebook, ndërkohë që ka paralajmëruar kryeministrin Rama për një fund si ai i Partisë së Punës më 20 shkurt të vitit 1991. Sipas Bashës, ndërkohë që qerveria ka lënë të lirë Armando Prengën, po kërcënon presidentin Bujar Nishani me shkarkim. Kryetari i PD shkruan se dekretimi i vonuar i Arben Ahmetajt ka qenë shkaku i kërcënimit ndaj Nishanit, pasi sipas Bashës, Ahmetaj duhet të firmosë shpejt koncensionin nga i cili përfiton vëllai i Kryeministrit.
Postimi i plotë i Bashës:
Sa më të mëdha dështimet e korrupsioni, sa më thellë shkon varfëria e papunësia, aq më shumë çirret propaganda e atij që i ka kthyer me kohë kurrizin qytetarëve dhe realitetit, e qëndron mbyllur në salla duartrokitjesh të mbushura me nëpunes që kërcënohen nëse nuk brohorasin udhëheqësin.
Përpara se të ndosë perseri ambjentin me suksese që ekzistojne vetem ne fantazine e tij te semure, shefi i hajdutëve të koncesioneve e tenderave, kreu sot dy akte të rënda.
Më së pari nxorri krejt të lirë deputetin gangster Armando Prenga që me dorën e tij shkaktoi gjakderdhje brenda ne komisariat, dhe pak më vonë kërcënoi me shkarkim nga detyra Presidentin e Republikës.
Mercenari Prenga, nën akuzë për plagosje e armëmbajtje pa leje, i lirë, Presidenti i vendit nën paralajmërim, sepse ka vonuar dekretimin e zgrapësit Ahmetaj, çarter-kleptokrati që duhet sa më shpejt të nisë punën për koncesionin e TVSH për Olsin. Këto janë standardet e këtij kryeministri që po kërkon me forcë një fund si të 20 shkurtit.
