Dhjetëra simpatizantë i janë përgjigjur thirrjes urgjente të PD-së, për të pritur në Rinas Lulzim Bashën, pas kthimit nga SHBA. Pritja, që ishte menduar të ishte spontane u paralajmërua më herët nga javanews.al pasi publikoi ekskluzivisht mesazhin e shpërndarë nga grupseksionet e PD-së.
Gjatë fjalës së tij para simpatizantëve të PD, Basha tha se pati një takim të jashtëzakonshëm me Donald Trump. “Edhe 10 ditë na ndajnë, 10 ditë për tu ndarë nga republika e mashtrimeve, korrupsionit, drogës dhe kriminelëve dhe për t’i hapur rrugë republikës së qytetarit”, deklaroi Basha.
“Mirë se u gjej Tiranë! Pata një takim të jashtëzakonshëm me Donald Trump. Vizita ishte e shkurtër, por domethënëse. Mbështetja e SHBA e jashtëzakonshme. Edhe 10 ditë na ndajnë, 10 ditë për tu ndarë nga republika e mashtrimeve, korrupsionit, drogës dhe kriminelëve dhe për t’i hapur rrugë republikës së qytetarit. SHBA është aleati strategjik i Shqipërisë”, tha Basha./javanews.al/a.ç
