Kryetari i Partisë Demokratike, Lulzim Basha, uroi sot të gjithë besimtarët e krishterë për festën e Krishtlindjes.
I pranishëm në meshën hyjonore në Katedralen e Korçës, Basha tha se “në këtë ditë të mrekullueshme, në këtë ditë të bekuar të Zotit, ditë Krishtlindjesh, dua të uroj të gjithë besimtarët e krishterë : Gëzuar Krishtlindjen! Për shumë vjet gëzuar!”
“Do të uroj në veçanti shërbëtorët e Zotit, të gjitha kishat, katolike, ortodokse, ungjillore të vendit. Dhe një urim të veçantë kam për më të pamundurit, njerëzit në nevojë, për fëmijët në veçanti, se kjo ditë e bekuar e lindjes së shpresës të sjellë bashkë me shpresën edhe besimin se e nesërmja do të jetë më e mirë.
Për shumë vjet gëzuar!”, u shpreh Basha.
