Kryedemokrati Lulzim Basha ka folur në përfundim të tryezës së opozitës duke deklaruar krijimin e një fronti të përbashkët.
“Dua të falenderoj të gjitha partitë që iu përgjigjën thirrjes time për një tryezë opozitare. Vendimi është krijimi i një Fronti Opozitar Kundër Krimit dhe ftesa qëndron e hapur për çdo faktor shoqëror e parti tjetër politike. Si ndihet sot një person që ka katër vite që denoncon? Këtë pyetje nuk ia bëj vetes time, por shqiptarëve dhe policëve të ndershëm, simbol i të cilëve është Dritan Zagani” – tha Basha.
Ai deklaroi se sot shqiptarët kanë prova të pakundërshtueshme se paratë e drogës janë përdorur për kriminalizimin e zgjedhjeve.
“Habilajt janë vetëm maja e ajsbergut. Fronti i Bashkuar Opozitar kërkon largimin e Edi Ramës dhe krijimin e një qeverie anti-mafia dhe për reformën zgjedhore” – tha ndër të tjera kreu i PD. /JavaNews/b.d
