Nga Himara ku çeli fushatën zgjedhore, kreu i opozitës, Lulzim Basha, ka pranuar përgjegjësinë për problemin e pronave dhe ka kërkuar falje për qeverisjen e djathtë, e cila nuk i dha zgjidhje një prej problemeve të mbartura ndër vite.
Ai premtoi se mëkati nuk do të përsëritet dhe PD do i japë fund këtij problemi duke kthyer pronat tek pronarët nëse i jepet besimi edhe njëherë nga qytetarët. “Nga momenti i parë i ligjit si koncept, gjithçka është mbështetur tek e drejta e pronës. Përgjegjësinë për të kemi edhe ne që nuk e rregulluam.
Ne gabuam me pronat miqtë e mi dhe unë ju kërkoj ndjesë si kryetar i PD. Ju garantoj se Republika e re nuk do të përsërisë mëkatet e të vjetrës dhe Lulzim Basha nuk do të përsërisë gabimet e të kaluarës. Ne do ti japim fund këtij problemi duke kthyer pronat tek pronaret, garantim i saj. Himara ishte tepsi për ata, ku të fusnin duart dhe secili merr llokmën e vet pa menduar për tjetrin” deklaroi ai./a.ç
