Kryetari i Demokratëve Euroatlantikë, Lulzim Basha, ndërsa foli për listat e kandidatëve për deputetë të Koalicionit Euroatlantik për zgjedhjet e 11 Majit, iu përgjigj edhe një prej pyetjeve që lidhej me emrin e Alfred Ahmetcenajt, ish-kreut të njësisë speciale të Gardës më 21 janar 2011, si pjesë e koalicionit të tij.
Kreu i KEA tha se Ahmetcenaj ishte një profesionist i ndershëm, teksa nënvizoi se kreun e grupit të zjarrit të 21 Janarit e ka kandiduar kryeministri Edi Rama (bëhet fjalë për Agron Malajn në listën e qarkut Dibër). Ahmetcenaj është një nga 37 kandidatët e listës së hapur të KEA-s për qarkun e Tiranës.
“Kandidatin e 21 janarit të Gardës e ka kandiduar në Mat kryeministri Edi Rama. Alfred Ahmetcenaj është kandidati ynë pa asnjë njollë dhe pa asnjë cen, profesionist i zoti që e njohin shumë njerëz”, përfundoi Basha.
