Kryetari i Partisë Demokratike, Lulzim Basha ka reaguar lidhur me deklaratat e kryeministrit Edi Rama gjatë prezantimit të kandidatëve të majtë për zgjedhjet e 21 qershorit ditën e djeshme.
Kjo për faktin se gjatë takimit Rama kujtoi premtimin e Bashës për bashkinë e Tiranës se nuk do të lejonte betonizimin e kryeqytetit, por po ndërton pallate nga më të mëdhenjtë.
Në reagimin e tij në rrjetet sociale, kreu i demokratëve Basha shprehet se sipas tij Rama foli për gropa imagjinare në Tiranë, mbi gropën e stërmadhe të varfërisë që ka hapur për shumicën e shqiptarëve. Sipas Bashës, e vetmja gropë për të cilën flet shefi i qeverisë, është gropa që i ka hapur vetes.
‘Foli për gropa imagjinare mbi gropen e stërmadhe te varfërisë qe ka hapur për shumicën derrmuse te shqiptareve. Foli krenar mbi gropën e prillit, edhe me e madhe se gropa e marsit, ne dogana dhe tatime ku te ardhurat janë ne rënie te lire për arkën e shtetit dhe ne rritje te majme për arkën e hajdutërisë. Ne një rrethane tjetër qytetaret do ti kishin thëne : shko ne pune, merru me punët e qeverise se te ka rene flaka gjithkund. Por nuk i thotë me njeri. Ia kane hequr vizën. Nuk bën për kryeministër. Do te vine te tjerë te mbyllin gropat e tij ne drejtim, siç mbyllën gropën qe la prapa pallatit te kulturës. Por një grope s’do mund tja mbylle kush, atë qe i ka berë vetes për të bere llakallaka me rroge kryeministri’. shkruan Basha
