“Protestues të natës së 13 të protestës nonstop, ju uroj mirëmbrëma”. Kështu e nisi fjalën mbrëmjen e sotme kreu i PD në çadrën e protestës së opozitës.
“Beteja vazhdon, ora e fitores po afron. Mbrëmja e sotme na dha mundësinë të kujtojmë edhe një herë arysen madhore pse jemi mbledhur në këtë shesh. Kjo nuk është më një protestë e partive, por lëvizje e madhe popullore dhe demokratike” – tha Lulzim Basha.
Ai akuzoi qeverinë për inkriminimin e institucioneve duke u shprehur se kjo është arsyeja pse shteti nuk i shërben më qytetarëve.
“Dolën disa fotografi që e patë të gjithë çfarë ishte. Nuk dua ta komentoj se si ishte. Nuk e di se ku e gjeti Rama atë grua për të krijuar përçarje” – tha kreu i PD referuar incidentit të sotëm në protestë ku një qytetare nga Vlora ndërhyri gjatë kohës që po fliste Berisha duke i akuzuar për pengimin e reformës.
/b.d
