Emri i Kastriot Islamit ish hierakut të lartë socialist që provoi të gjitha postet nga kryetar Kuvendi tek minister i Jashtem e Financash, por që në tetë vitet e fundit ka qënë një nga eksponentët më të angazhuar të PD, nuk u lakua fare si kandidat për anëtar i Këshillit Kombëtar të PD.
Lulzim Basha e injoroi fare dhe nuk e përmendi në asnjë vend në Kuvendin Kombëtar demokrat të zhvilluar të shtunën e kaluar e për pasojë as që u fut në listë për t’u votuar që të provonte shansin e të gjithej në listën prej 300 anëtarësh të këtij forumi.
Por Kaç Islami e ka marrë veten shpejt nga “harresa” e Bashës dhe ka filluar sulmet në drejtim të kryeministrit Edi Rama në lidhje me koronavirusin dhe vaksinimin për këtë epidemi.
“Rama mburret me vaksinimet në Shqipëri, duke mashtruar shqiptarët e varfër me shifrën e vaksinimit, por e vërteta është krejt ndryshe, kjo lexohet jo në gënjeshtrat e qeverisë, por në portalin amerikan (https://ourëorldindata.org/covid-vaccinations).
Kjo sjellje është tipike për “dhinë e zgjebosur që e mban bishtin përjetë…”.
Shqipëria, me rreth 20 përqind të popullsisë së vaksinuar, me 1 dhe 2 doza, është nga të fundit në Europë. Madje Shqipërisë ia kalojnë edhe disa vende të Ballkanit Perëndimor si Serbia (me rreth 40 përqind të popullsisë së vaksinuar me 1 e 2 doza), Kroacia (me rreth 38,5 përqind), e deri edhe Mali i Zi (me rreth 23 përqind)…
Nuk mund të bëhet fjalë për të gjithë Europën që ka arritur 46 përqind të popullsisë, sa dyfishi i Shqipërisë. Dhe akoma më larg është Bashkimi Europian me 56 përqind, gati tre herë më shumë.
Shqipëria është edhe pas Rusisë, e cila ka vaksinuar rreth 22 përqind të popullsisë prej mëse 145 milion banorësh.
Vala tjetër e pandemisë po troket te dera për shkak të mutacionit Delta. Kudo në Europë, SHBA e Mbretërinë e Bashkuar, ka debate dhe po merren masa.
Në Shqipëri vazhdojnë mburrjet qeveritare të “dhisë së zgjebosur me bishtin përpjetë…”…
E vërteta e hidhur është se shqiptarët, të lënë në mëshirë të fatit përballë virusit në shtator-dhjetor 2020, kanë arritur imunitetin e tufës dhe këtë të vërtetë të hidhur që e vuajnë familjet shqiptare te cilat kanë humbur nga fillimi i pandemisë mbi 16 mijë njerëzit e tyre të dashur, s’ua thotë qeveria.
Por qeveria mburret me deklarimin e përditshëm të numrit të “lartë” të vaksinave (që edhe ky është më i ulëti në Europë e rajon) dhe me shifrën ende të ulët, por në rritje eksponenciale të infektimeve nga mutacioni Delta që po prek kryesisht të rinjtë…”, reagon Islami në portalin e familjes Berisha.
Ndoshta për të treguar se është gjallë…!
K*r Islami???