Kryetari i Partisë Demokratike, Lulzim Basha i ka uruar sot 80 vjetorin e lindjes shkrimtarit Ismail Kadare.
Me anë të një mesazhi për mediat, Basha shkruan, “me rastin e 80 vjetorit i uroj ditëlindjen shkrimtarit tonë të madh kombëtar Ismail Kadare. Një ditë e shënuar jo vetëm për të dhe familjen Kadare, por për të gjithë shqiptarët kudo që janë”.
Ismail Kadare, shkrimtar i madh i letrave shqipe dhe jo vetëm , i perkthyer ne 45 gjuhe te botes, kandidat i çmimit Nobel në letërsi, lindi më 28 janar të vitit 1936 në Gjirokastër. Nga “Gjenerali i ushtrisë së vdekur”, që e bëri të njohur në gjithë botën, ne “Daullet e shiut”, veprat e tij më të zhytura në natën e legjendës ballkanike jane , “Kush e solli Doruntinën” apo “Ura me tri harqe” apo ato me frymëzime të së tashmes si “Tri këngë zie për Kosovën”.
