Një ditë pas zgjedhjes në krye të PD, Lulzim Basha ka mbledhur sot Kryesinë e partisë.
Mësohet se gjatë mbledhjes së sotme, Basha e ka nisur fjalimin e tij me një falënderim për punën e bërë gjatë ditës së djeshme.
Siç shihet në fotot e mëposhtme, disa nga pjesëmarrësit në mbledhje janë Enkelejd Alibeaj dhe Indrit Sefa.
Kujtojmë që Lulzim Basha ka fituar zgjedhjet e ditës së shtunë për kreun e Partisë Demokratike.
Në këto zgjedhje kanë marrë pjesë 18 mijë e 52 anëtarë të Partisë Demokratike.
Kreu i Komisionit Zgjedhor të PD, Jemin Gjana tha në një deklaratë për mediet se në kutitë e votimit janë gjetur 18 mijë e 52 fletë, në të cilat 199 kanë qenë të pavlefshme.
Lulzim Basha ka marrë 16, 196 vota duke shënuar një fitore të thellë ndaj kundërshtarit të tij Gjergj Hani, i cili mori vetëm 1,567 vota.
