Kryetari i Partisë Demokratike, Lulzim Basha, ka akuzuar qeverinë se ka ndihmuar ata që goditën policinë në Elbasan natën e 18 shtatorit për tu larguar nga Shqipëria drejt një vendi të BE-së.
“Të dyshuarit kryesorë që kanë qenë në makinën e blinduar që përplasi policinë në Elbasan, me ndihmën e policisë së korruptuar të Edi Ramës, janë larguar nga vendi dhe sot gjenden në një vend anëtar të Bashkimit Evropian”, tha Basha në një konferencë për shtyp.
“Sot Edi Rama u jep llogari vetëm bandave se me ata mori pushtetin dhe siguroi votën.”
Basha tha se vota e lirë mund ta kishte shpëtuar vendin nga gremina e keqqeverisjes dhe prapë vota e lirë është e vetmja mënyrë për të zhbllokuar integrimin eurpian.
Basha deklaroi Partia Demokratike do të paraqesë në Kuvend propozimin e saj për TVSH-në. Basha tha se duhet të ndërhyhet në themel, dhe kjo është garantimi i votës së lirë.
“Kyeministri nuk do t’ia dijë, sepse nuk ka asnjë raport llogaridhënie me qytetarët, sepse ka ardhur në pushtet me votë të blerë e të dhunuar, pa asnjë program, po me mashtrime të paketuara me propagandë. PD do të luftojë fort kundër marrëzisë, çmendurisë së rritjes së TVSH, do paraqesim propozimin tonë për ta frenuar këtë çmenduri”, deklaroi Basha
a.ç
