Sekretari i Përgjithshëm i Partisë Demokratike, Gazmend Bardhi, u ka nisur porosi ish-deputeteve dhe anëtarëve të kryesisë që të mos komentojnë asnjë fjalë mbi deklaratat e shefit të prezencës së OSBE-së në Shqipëri, Bernd Borchardt.
Sipas tij, beteja e opozitës është me kryeministrin Edi Rama dhe me bandën që e rrethon, e sipas tij kjo është një diversion i përgatitur me qëllim për të larguar vëmendjen nga kriza politike e shkaktuar në Shqipëri.
“Te nderuar, asnjë koment per deklaratat e Borchardt. Eshte diversion i paster per te hequr vemendjen nga kriza politike dhe shkaqet e saj.
Beteja jone nuk eshte as me Bochard as me Spiropalin, por me Edi Ramen dhe banden ne pushtet.
Ju pershendes!”– shkruhet në mesazhin e sekretarit të PD-së, drejtuar ish-deputetëve.
/a.rada
