Bardhi: Koha e Edi Ramës ka mbaruar! Anija e tij po mbytet

Sekretari i Përgjithshëm i Partisë Demokratike, Gazment Bardhi, përmes një statusi në Facebook shprehet se koha e Edi Ramës ka mbaruar.

Reagimi i Bardhit vjen lidhur me qëndrimin që mbajti Rama, mbi ish-kryebashkiakun e Durrësit, kur tha “se Vangjush Dakon e ka dhe do ta ketë mik, edhe nëse shkon në burg”.

Statusi i plotë i Bardhit:

Këmbëngulje e Edi Ramës për të mbrojtur Vangjush Dakon nuk është vetem arrogancë.

Është frikë! Është frika e kreut të bandës, se mos anetarët e bandës pendohen dhe, për të shpëtuar nga burgu, i hanë kokën shefit!

Para frikës së humbjes së pushtetit kriminal dhe pasurimit të paligjshëm, para frikës së drejtësisë, Edi Rama hedh në kosh edhe Departamentin Amerikan të Shtetit, që ka shpallur non grata mikun e tij Vangjush Dako, me të cilin ai mban pushtetin në qarkun e Durrësit.

Koha e Edi Ramës ka mbaruar! Anija e tij po mbytet!