Barcelona ka filluar një fushatë në mbështetje të Lionel Messit dhe babait të tij, Jorge pasi argjentinasit u dënuan me burgim për shkak të mashtrimit me taksa.
Përmes fushatës me moton dhe hashtagun #WeAreAllLeoMessi Barcelona iu kërkon fansave që “të shprehin simpatinë e tyre për futbollistin më të madh në botë duke shprehur mbështetjen e tyre të pakushtëzuar në rrjetet sociale”, raporton Reuters.
Messi, 29 vjeç, ka luajtur gjatë gjithë jetës së tij për Barcelonën, transmeton Koha.net.
“Ne duam që Leo ta dijë se nuk është vetëm. Të gjithë anëtarët, fansat, atletët, media dhe të gjithë të tjerët janë të ftuar që të marrin pjesë në këtë fushatë”, ka thënë klubi i Barcelonës përmes faqes zyrtare.
Presidenti i Barcelonës, Josep Maria Bartomeu ka shkruar në Tëitter se ata që po e sulmojnë Messin po e sulmojnë edhe Barcelonën e historinë e saj.
“Leo, ata që të sulmojnë ty po e sulmojnë edhe Barcelonën dhe historinë e saj. Do të të mbrojmë deri në fund. Së bashku përgjithmonë!”, ka shkruar Bartomeu.
Një gjykatë në Barcelonë e dënoi Messin dhe babain e tij, të mërkurën, me burgim prej 21 muajve pasi u shpallën fajtorë për mashtrim me taksa, referon Koha. (b.an)
