Barcelona ka mbrojtur te dielen titullin në Kupën e Mbretit duke mposhtur Sevillën në finale me rezultat 2 me 0, pas vazhdimeve.
Dy ekipet përfunduan lojën e rregullt prej 90 minutave baras 0 me 0.
Barça hasi në vështirësi në këtë ndeshje pasi nga minuta e 36-të mbeti me një lojtar më pak në ndeshje pas ndëshkimit me karton të kuq të Javier Mascheranos.
Por, pavarësisht presionit Sevilla nuk arriti të shënonte në kohën e rregullt dhe në minutën e fundit Ever Banega u ndëshkua me të kuq duke barazuar numrin e lojtarëve në fushë.
Këtë kampioni i Spanjës e shfrytëzoi duke realizuar gol në minutën e 97-të përmes Jordi Albas dhe Neymarit në fund të vazhdimeve, për të fituar titullin e 28-të të Kupës së Mbretit. (b.an)
