EKSKLUZIVE JAVANEWS/ Bankers Petrolium dhe Qeveria shqiptare duket se kanë gjetur zgjidhjen per konfliktin e krijuar në lidhje detyrimet fiskale, përkatësisht tatim-fitimin e vitit 2011, bazuar në gjetjet e auditit të bëra nga strukturat e specializuara të Ministrisë së Energjisë.
Burime nga drejtoria e përgjithshme e tatimeve por dhe kompania, bëjnë të ditur se BP dhe DPT kanë arritur një marrëveshje për pagesën me këste të detyrimit tatimor prej 7.5 miliard leke, deri në fund të vitit 2016. Më parë BP kundërshtoi këtë shumë, madje duke paditur në arbitrazh ndërkombëtar (ICC Zvicer) veprimet e administratës tatimore, sidomos bllokimin e llogarive bankare të saj .
Situata u përshkallëzua edhe më tej, me kercenimin e BP se nëse nuk do të zhbllokoheshin llogaritë e saj, kjo e fundit do të ndalte prodhimin e naftës, duke shkaktuar një efekt domino në ekonomi.
Por qeveria shqiptare duket vijoi t’i qëndrojë linjës së saj të fortë, duke u shprehur qartë se nuk do të lejonte asnjë kompani që të kërcënonte ekonominë e vendit, me anë të pasurive natyrore kombëtare. Madje nuk vonoi, duke kontraktuar një nga zyrat më të njohura ligjore nga SHBA për t’u këshilluar e mbrojtur në këtë proces. Burime nga ministria e energjisë bëjnë të ditur që strukturat e saj po merrnin masa për të përballuar çdo situatë që do të shmangte tentativën për bllokimin e prodhimit të naftës.
Konflikti me Bankers behej edhe më kompleks po të kihet parasysh eskpozimi i një sërë bankash lokale dhe institucionesh financiare ndërkombetare në linja krediti per BP, shuma këto që arrinin në qindra milion dollarë. Mesa shihet asnjë nga këta faktorë nuk e bëri qeverinë shqiptare të tërhiqet nga vendimi i saj për të mbledhur detyrimet tatimore të kompanisë së madhe të naftës.
Mësohet se marrveshja e arritur do të bëjë të mundur shbllokimin e llogarive të BP dhe fillimin e mbledhjes për herë të parë nga sheti shqiptar, të tatim-fitimit në sektorin e prodhimt të naftës. Burimet thanë për Javanews se marrëveshja parashikon edhe mundësinë e rivlerësimit të detyrimit, bazuar në auditimin e palës së tretë, si një parashikim në marrëveshjen hidrokarbure që do të bëjë të mundur vlerësimin përfundimtar të detyrmit për vitin 2011.
Kjo do të shërbeje si bazë për rillogaritjen e fitimit që nga viti 2011, duke bërë të mundur vjeljen për herë të parë të tatim-fitimit në sektorin hidrokarbur, i cili deri më ditën e sotme nuk paguante asnjë tatim fitimi.
