Banka e Shqipërisë publikon sot deklaratën mbi Stabilitetin financiar në vend, ku theksoi se veprimtaria e sektorit bankar dhe atij financiar, shënoi qëndrueshmeri gjatë gjashtëmujorit të parë të vitit 2016. Rritja ekonomike është përshpejtuar në tremujorin e parë të vitit 2016, në 2.96% (vjetore), ndërkohë që treguesit e punësimit u përmirësuan.
Ekspertet e Bankes se Shqipërisë, prezantuan te premten raportin e stabilitetit financiar në 6-mujorin e parë 2016, ku theksuan se, zhvillimet në treguesit kryesorë financiarë dhe të sektorit bankar kanë qenë përgjithësisht pozitive.
Megjithatë, Banka e Shqipërisë në analizën për vlerësimin e stabilitetit financiar, pohon se rreziku i kreditit është rritur. Kredia me probleme u rrit sërish në 20%, ndërkohë që ka pasur ulje të mbulimit me provigjione dhe ulje të mbulimit me kapital. Kategoria më problematike për moskthimin e kredive është huaja për bizneset në valutë në afat të mesëm.
Banka e Shqipërisë vlerëson se rreziku i tregut është i ndjeshëm dhe i pranishëm në kursin e këmbimit dhe normën e interesit. Ajo rekomandon që bankat duhet të komunikojnë me klientët për të vlerësuar drejt rrezikun.
BSH thekson se gjithsesi, sistemi bankar është i shëndetshëm, nivelet e kapitalizimit dhe likuiditetit janë të mira dhe sektori gjeneron fitim.
ma.me
