Në atmosferën e fushatës zgjedhore në Kosovë, shifrat ekonomike që premtohen janë të mëdha.
Rritja ekonomike është premtuar se do të bëhet 8 për qind, në anën tjetër është përmendur buxheti deri në pesë miliardë euro, ndërsa raporti i fundit i Bankës Botërore paraqet një rritje tjetër, shkruan Koha Ditore.
Në këtë vit, sipas Bankës Botërore, pritet që Kosova të ketë rritje ekonomike 3.9%.
Edhe gjatë viteve të tjera në vijim, parashikimi i Bankës Botërore nuk e nxjerr Kosovën me përqindje shumë më të lartë. Në vitin 2018 parashikohet të ketë rritje 4.2 për qind, teksa një vit më vonë, më 2019 parashikohet të ketë rritje 4.4 për qind.
Megjithatë, parashikimet e Ekzekutivit që udhëhiqet ende nga Isa Mustafa, ishin për një rritje prej 5 përqindësh.
Të njëjtën përqindje të rritjes ekonomike, por jo edhe buxhetin kaq të lartë, e kanë premtuar edhe përfaqësuesit e koalicionit PDK-AAK-Nisma. (b.an)
