Banana Split është një ëmbëlsirë e famshme amerikane me fruta dhe akullore. Një ndër ëmbëlsirat më të përhapura dhe të njohura në të gjithë botën për të cilën ekzistojnë variante të ndryshme.
Banana split është e përbërë nga një banane e ndarë përgjysmë (nga ku vjen dhe emri i saj, “split” – e ndarë) dhe e mbuluar me 3 topa akullore (tradicionalisht, akullore pana, çokollatë dhe luleshtrydhe) që zbukurohen lart me shllak, krem me luleshtrydhe e çokollatë, si dhe copa qershie dhe lajthi.
Përbërësit për 1 banana split:
1 banane
150 ml pana të freskët
3 kokra qershi
2 lugë reçel luleshtrydheje
lajthi të grirë
1 çokollatë
akullore me luleshtrydhe (1 top të vogël)
akullore me çokollatë (1 top)
akullore me pana (1 top)
80 g çokollatë të shkrirë
Përgatitja:
Presim çokollatën në copa të vogla dhe më pas e vendosim në zjarr që të shkrijë. Shtojmë lart rreth 30 ml pana të ngrohtë dhe e përzijmë masën vazhdimisht me anë të një luge druri. Lart i hedhim 2 lugë reçel dhe e kujdesemi që ky krem të mos ketë fara duke e shtypur me një lugë. Masës i shtojmë pjesën e mbetur të panës. Presim në mes bananen dhe e vendosim në një pjatë ovale. Mbi banana vendosim 3 topat e akulloreve dhe më pas i zbukurojmë me salcën që krijuam me çokollatë dhe reçel luleshtrydheje si dhe shllakun. E mbulojnë banana split me copat e vogla të lajthisë, copa çokollate dhe qershie.
