Partia Demokratike ka vijuar sherret në komisionet parlamentare.
Deputetët e saj në Komisionin e Ligjeve kanë kërkuar të diskutohet vetëm për Fatmir Xhafajn dhe pas debateve me Ulsi Manjan, janë larguar nga mbledhja.
Ulsi Manja: Sallën e ke në kat të dytë, bëni deklarata mbani qëndrime sa të doni.
Klevis Balliu: A ka mundësi të marr fjalën unë, nuk do arrini dot të vazhdoni të mbroni cdo ministër të Brendshëm të lidhur me drogën. Më shumë përgjegjësi keni ju që i mbroni se sa ata vetë.
I keni bërë punimet palaço, jemi bërë palaço nga i pari te i fundit, dje mbronit Tahirin, sot e keni në arrest shtëpie.
Manja: Ke munguar këtë javë.
Balliu: I keni nxjerrë te gjithë mafioze, gazetarët, opozita, ndërkohë që i keni mafiozët te partia juaj. Njërin e vratë në burg. Pasi i droguat, shqiptarët po i vrisni.
Manja: Ju lutem të jemi racionalë, vazhdojmë me rendin, me nenin…
Balliu: Të gjitha ligjet i jeni bërë nul. Ku e keni vettingun në polici, ku e ke se je marrë me të gjitha, ku e ke?
Manja: Ju lutem.
Balliu: Nuk ka, nuk të kanë votuar shqiptarët për të mbrojtur drogën.
Bardh Spahia: E turpshme, bëheni palë me krimin, jeni bere palace.
Manja: Nuk eshte komisioni i Babales ky, ky eshte Komisioni i Ligjeve.
Ndërkohë edhe Komisioni për Ekonominë dhe Financiat ka prodhuar debate mes kryetarit Erjon Braçe dhe deputetes së PD, Jorida Tabaku./a.m.
