Kreu i Grupit Parlamentar të PS-së, Taulant Balla i ftuar në studion e lajmeve në news24, komentoi protestën e organizuar sot nga opozita. Balla duke iu referuar tragjedisë së Gërdecit, nuk kurseu edhe akuzat ndaj opozitës, ndërsa u shpreh se një protestë e tillë një ditë pas 11 vjetorit të kësaj tragjedie është e pakuptimtë. Balla tha se vrasësit e Gërdecit janë kundër drejtësisë së re.
Apeli im është se pas vendimit të turpshëm të gjyqtarit të Fierit ku ka me figurë si goditet punonjësi i policisë së shtetit dhe nuk dënoi dhunuesin. Goditja e policisë është goditja e shtetit dhe nuk mund të jetë kurrë sekondare. Pak njerëz kishte në protestë. Nesër Tirana do të ngrihet në festë, jeta do vazhdojë normalisht. Ne do ta vijojmë mandatin tonë qeverisës, për ta bërë vendin zonjë mes vendeve anëtarë të BE. Dje u bënë 11 vite nga tragjedia e Gërdecit duket patetike dhe e pakuptimtë që sot vrasësit e Gërdecit janë kundër drejtësisë së re.”, tha Balla.
Ndërkohë, Balla nuk kurseu edhe mirënjohjen ndaj policisë për menaxhimin e protestës. Ai shtoi se nuk do ta lejojnë opozitën ta kthejë vendin si 97-ta.
“Janë tre punonjës policie të plagosur. Gjej rastin të përgëzoj Ardin Veliun dhe gjithë trupën policore për një menaxhim të mrekullueshëm të protestës. Ta harrojnë se mund ta kthejnë Shqipërinë në nightmaret e 97-ës”, u shpreh Balla.
/a.meta
