Taulant Balla është shprehur në lidhje me incidentin në parlament, duke njoftuar se PS do të thërrasë Byronë e Parlamentit për të kërkuar përjashtimin me 10 ditë të deputetit Flamur Noka. Balla ka thënë gjithashtu se nuk ka patur asnjë lloj ofendimi nga ana e Braçes, teksa dhuna e ushtruar nga Noka duhet të trajtohet si vepër penale.
“Më lejoni të sqaroj se kemi të bëjmë me një skenar tashmë të bërë publik nga PD për të dëmtuar punimet e kuvendit të Shqipërisë. Dje pasdite në komsion, përfaqësuesi i PD-së theu rëndë rregulloren, ndërsa sot një deputet i PD-së ka goditur nënkryetarin e grupit parlamentar të PS Erjon Braçe. Kemi të bëjmë madje me një vepër penale.
Nuk është aspak e vërtetë se kanë ardhur fyerje nga Braçe.
Nuk kam parë ndonjë deputet që të çohet dhe të marrë peng foltoren, dhe të zejë vendin sepse do të flasë Sali Berisha. Kjo histori, që këtu goditen deputetët me grusht për shkak se është dhënë porosia nga Luli dhe Saliu që të mbarset klima politike…kjo është çështje e tyre, por këtu ta harrojnë se mund të shkelin rregulloren.
Sa kohë që Noka nuk zbaton rregulloren dhe nuk largohet nga seanca atëherë nuk ka mbarëvajtje të rregullt të parlamentit.
Së shpejti grupi ynë do të çojë kërkesën për mbledhjen e Byrosë së Parlamentit, që deputeti Flamur Noka të përjashtohet me minimalisht 10 ditë nga kuvendi.”-tha Balla/java/a.k
