Kreu i grupit parlamentar të Partisë Socialiste Taulant Balla deklaroi sot në Kuvend se Shqipëria i është bashkuar vendeve që kanë bllokuar vizitën e ministrit të jashtëm rus, Sergey Lavrov.
Ai deklaroi se një nga koridorët ajror që u bllokuan ishte pikërisht ai që kalon mes përmes Shqipërisë. Balla tha se më 11 korrik do të votojnë në Kuvend rezolutën për Srebrencicën.
“Edhe të thuash që i mbyllën qiejt edhe të thuash që mezi prisnin të vinte Lavrov. Shqipëria iu bashkua vendeve që bllokuan ardhjen e Lavrovit. Një korridor ajror që u bllokua ishte ai që kalon përmes Shqipërisë. Nuk u dha drita jeshile. Ajo që duhet të dish Tritan i dashur, hiq dorë. Të vish të thuash këtu që Kumbari i Ballkanit të Hapur. O zotëri i ke mendt.
Ne drejtojmë. Ne kemi presidencën e KS në OKB. E kemi thënë shumë qartë. Pozicion më të qartë nuk ka. Ne kemi dënuar atë që ka ndodhur në Kosovë, në Bosnje. Harrojeni që do ngjallni Sali Berishën me histori rezolutash. Më 11 korrik kemi planifikuar rezolutën për Srebrencicën. Jo dy gisht letër si ajo e juaja”, tha Balla.
/e.d
