reu u grupit parlamentar të PS-së Taulant Balla i është përgjigjur nga foltorja e kuvendit Lulzim Bashës, i cili pak orë më parë nga i njëjti vend i kërkoi deputetit socialst që të deklaronte se ku kishte qenë natën kur ndodhi incidenti në Elbasan mes policisë dhe “Audit” të blinduar.
Në kundërpërgjigje, Balla është shprehur se këto pyetje të liderit të opozitës i ngjajnë provokimeve që bëjnë fëmijët, teksa ka kërkuar nga kolegët e djathtë e të majtë që të lënë të qetë policinë në kryerjen e punës dhe të mos përzihen me çështje që i takojnë hetimeve.
Balla është shprehur gjithashtu në lidhje dhe me akuzat e opozitës kundër vëllait të Ministrit të Brendshëm Fatmir Xhafaj, duke thënë se edhe sikur maxhoranca të vendose në krye të kësaj ministrie Jorida Tabakun (deputete e PD-së), atëherë sërish Basha do ta quante atë Koka e Meduzës së krimit.
“Unë nuk kam folur sot, dhe nuk do të flas asnjëherë sepse personalisht dhe së bashku me mua të 7 kolegët deputetë të PS në Elbasan nuk kanë as njëlloj lidhje me asnjërin nga këta. Kujt ti djegë miza në kësulë le ti djegë.
Ne jemi këtu për të mbështetur fuqimisht një aksion të policisë i cili ka desh të merret me kohë, që në 2005 kur filloi ngjizja e këtij konflikti, e më pas në 2009 ku zotëria nga 2009 deri në 2011 ka qënë deputet i PD-së në Elbasan dhe njëherësh Ministër i Brendshëm. Mos më bëj provokime foshnjore, ku ke qënë parmbrëmë, ku ke qenë dje. Unë Lulzim, nuk kam bërë kurrë asnjë kontratë me kriminelë për të siguruar votën.
Dua t’ju them me shumë keqardhje për vijimësinë e një farse me sulmet tuaja personale ndaj ministrit Xhafa, e cila është e sqaruar shumë vite më parë nga vetë Xhafa, që nuk ka asnjë lloj të vërtete ndaj shpifjeve që hidhni ndaj tij. Por kushdo që të ishte prej nesh në vendin e Fatmir Xhafës do ta trajtonit njëlloj. Edhe sikur Jorida Tabakun ta merrnim ta vëmë ministre të brendshme edhe ajo do të ishte koka e krimit dhe e meduzës.”– ka deklaruar Balla. /b.d
