Maksi Beca ka reaguar pas deklaratave të Sali Berishës, se ai është trafikant droge dhe ka miqësi me Taulant Ballën.
Beca e mohon një gjë të tillë dhe thotë se e ka pasur idhull Berishën dhe ka votuar gjithmonë për të.
“Sali Berisha Maksi Beca jam te kam pas idhull.
Nuk e prisja qe do me beje mik me zor te ketij ushtarit te Edi Rames.
Nuk e kam taku nojhere kete Taulantin e ps. Sa kohe kam qene ne Shqiperi kam votuar vetem per ty.
Nuk e prisja qe ti nje dite do merreshe me mua”, shkruan ai, që të njëjtin koment ia ka dërguar Berishës dhe në faqen e tij.
Ndërkohë, zbulohet edhe foto origjinale, të cilën Berisha e ka bërë fotomontazh të Maksi Becës, duke i vendosur në krah Taulant Ballën.
“Foto lajm: Taulant Bego/Jaris me bosin e kokaines Maksim Beço te arrestuar nga policia per trafik kokaine ne vitin 2015”, shkruante Berisha një ditë më parë, duke postuar fotomontazhin e mëposhtëm, ndërsa kishte marrë një foto të Ballës nga një takim me Ramën dhe e kishte vendosur krah një fotoje të Becës./a.ç
