Partia Socialiste është e prerë me opozitën sa i takon kushtëzimit të saj, që për të votuar ndryshimet e reja në Kod që parashikojnë pagesën për kthimin e votës së diasporës, të lejohet të votojnë më 11 maj edhe emigrantët me dokumente të huaja. Ministri i Shtetit për Marrëdhëniet me Parlamentin, Taulant Balla i ftuar në Report Tv thotë se kjo është një alibi e opozitës për të prishur zgjedhjet.
Në emisionin ‘Studio Live’, njëherazi edhe i deleguari i PS për diasporën, thotë se ky është një diskutim i mbyllur, ndërsa thekson se as KQZ nuk do mund të verifikonte dot dokumentet e një shteti të huaj.
“Pse opozita duhet ta kushtëzojë këtë me çështje të tjera që janë të parealizueshme. Opozita thotë të votojnë edhe shtetas me dokumente të shteteve të tjera. Këtë diskutim e kemi mbyllur në 2008 kur kemi bërë reformën, kemi thënë jo me dokumente të huaja, po as me dokumente shqiptare jobiometrik nuk mund të votosh. Këtë diskutim e kemi mbyllur, kthemi pas 16 viteve dhe themi do lejojmë të votojmë dhe me dokumente të tjera të një vendi tjetër. KQZ ka ngritur një infrastrukturë, PER nuk është një gjë, pas saj qëndrojnë baza të dhënash që vërtetojnë dokumentin në fjalë. Këtu nuk bëhet fjalë që ti vetëm ngre ato, por dokumentet të verifikohen. Ne do kërkojmë në SHBA të na japin akses në bazën e të dhënave, është e pamundur nuk ta jep dot asnjë shtet”, shprehet Balla.
Balla shprehet se opozita nuk po futet për të fituar zgjedhjet, por për garantuar sërish një grup Besnik të Berishës
“Nëse PD vazhdon të insistojë, kjo është për të prridhur zgjedhjet, jo për të ndihmuar dikë. I sfidova në kuvend, u thash mos e keni alibi. Ju e dini që do humbi zgjedhjet, edhe vetë kolegë të PD në diskutime informale thonë që ne e dimë që po humbim. Ata nuk po futen për të fituar, po futen që Berisha të këtë një grup besnik që të vazhdojë historinë e ballkonit, dritares, rrugës së lirisë”, thekson Balla.
Shefi politik i PS për diapsorën i bën thirrje opozitës që të refektpojë dhe të hedhë votën për të mundësuar që shteti të paguajë edhe kthimin e zarfit me votën e emigrantëve, fond i cili do të përballohet nga buxheti i shtetit. Por, Balla është i prerë kur thotë se vota e dioapsorës do numërohet do apo s’do opozita.
“Do jemi të detyruar të gjejmë zgjidhje. Vota e diasporës do numërohet do apo s’do PD. Shpresoj një reflektim nga PD, por kuvendi duhet t’i hapë rrugë 3 çështjeve për të cilat ka një dakordësi në të gjitha krahët, pjesa e pagesës së postës në kthim, zgjerimi i afatit të regjistrimit të koalicioneve, partitë dhe kandidatëve. Afatet duhet të sposotohen të gjitha me 10 ditë”, vijoi Balla.
Për të mos mbetur më peng i Saliut, ministri Balla thotë se në zgjedhjet parlamentare të 11 majit Partia Socialiste synon 84 mandate.
“U kërkoj vëllezërve e motrave në diasporë të regjistrohen sa më shumë, se na duhet të mos mbetemi peng, na duhen pak vota për të arritur me shumicë me 84 mandate që ta çojmë deri në fund votën e diasporës. Imagjinoni t’u marrë mend perëndia kundërshtarëve tanë dhe mos të pranojnë të votojnë këto tre çështje që janë jetike. Të mos mbetemi peng, se në mandatin e ri na duhet që PS të ketë të paktën 84 mandate të mos mbetemi peng e të çojmë para reformat e rëndësishme që lidhen me përmbushjen e kritereve për anëtarësimin e Shqipërisë brenda këtij mandati të ri. Mos na lini peng të Saliut, po na jepni mbështetjen për të çuar para vizionin Shqipëria 2030. Përgjigjen e more, 84 mandate”, shprehet Balla për Report Tv.
Një thirrje e ka për shqiptarët, edhe ata në diasporë, që më 11 maj të votëbesojnë PS për të çuar para vizionin Shqipëria 2030 dhe anëtarësimin në Bashkimin Europian.
