Ish-shefja e diplomacisë greke, Dora Bakojane, paralajmëroi se Greqinë e presin presione serioze rreth pranimit të Maqedonisë në NATO në samitin e ardhshëm që do të mbahet në Varshavë.
Bakojani apeloi te Ministria greke e Punëve të Jashtme që të nisë seriozisht përgatitjet, duke komentuar se Maqedonia ka një rol të përforcuar falë krizës së refugjatëve dhe qeverisë aktuale greke, e cila nuk e ka përkrahjen e njëjtë si e ka pasur Kostas Karamanlis në vitin 2008.
Bakojani theksoi se qysh nga tetori është duke paralajmëruar për rrezikun që vendet anëtare të NATO-së të bëjnë presion që Maqedonia të marr ftesë për anëtarësim në samitin në qershor.
