Gazetarja dhe autorja e emisionit “Gjërat Tona”, Etleva Delia thotë se arrestimi i Safet Bajrit, mund të zbulojë detaje edhe për masakrën e Dobraçit, ku mbetën të vrarë 4 persona.
Në një intervistë për “Newsline” në ABC News, Delia u shpreh se më herët, Bajri është shoqëruar për këtë ngjarje, por u lirua për mungesë provash.
Delia shtoi se Bajri është i akuzuar për vrasjen e Fatbardh Licin, xhaxhanë e Ibrahim Licit, ky i fundit në kërkim nga policia.
“Fatbardh Lici, është xhaxhai i Ibrahimit Licvit, në kërkim dhe kunati i Lulzim Kullës, i cili konsiderohej personazh i rëndësishëm i botës së krimit në Shkodër. Filluan një seri vrasjesh në Shkodër për hakmarrje. Safet Bajri, është personazh që në Shqipëri u arrestua në 2018, në kuadër të operacionit “Oaz”, u konsiderua si grup i strukturuar kriminal. Por edhe si një letër porosi e mbërritur nga Belgjika. Kjo dosje, siç u prezantua me bujë të madhe, u shfry gjatë rrugës. Safet Bajri, pasi bëri dënimin për fiksimin e basteve sportive, mori leje në burgn e Fierit, u la i lirë, deri sot që u arrestua sërish. Safet Bajri ishte shoqëruar edhe më parë, u la i lirë për mungesë provash. Për faktin që Safet Bajri është i arrestuar, do ketë më shumë mundësi për mbledhjen e provave, edhe për masakrën në Dobraç. Vrasja e Fatbardh Licit, ka pasur dyshime që mund të ishte kryer nga njerëz të Safet Bajrit”, theksoi ai.
