Trajneri i Kombëtares Edy Reja së fundmi ka dhënë një intervistë për ‘Gazeetta dello Sport’ ku ka folur për afrimin më të ri në skuadër Nedim Bajramin, i cili luan te Empoli. Ai është bindur të jetë pjesë e kuqezinjve edhe pse për këtë duhet të marrë pasaportën shqiptare. Në rubrikën katër pyetje për Edy Reja-n trajneri është shprehur:
Çfarë lojtari është Bajrami?
Ka cilësi teknike të jashtëzakonshme, është i zoti që të driblojë një kundër një. Ka vetëm një defekt: Duhet të përmirësojë fazën mbrojtëse, pasi kur nuk e ka topin në zotërim, ai tenton që të tërhiqet nga loja. Në ditët e sotme, asnjë skuadër nuk mund t’i lejojë vetes që të ketë një lojtar i cili mendon vetëm për fazën sulmuese. Për të tjerat, është një vlerë e shtuar.
Si do të luajë ai te Shqipëria?
Ekzaktësisht si tek Empoli, trekuartist në skemën 3-4- 1-2 me një liri të madhe hapësire. Sepse është i jashtëzakonshëm nëse ka fushë përpara. Në Kombëtaren shqiptare më mungon një lojtar me karakteristikat e tij, një i aftë për të krijuar superioritet numerik për të kthyer ndeshjen.
Çfarë i keni thënë?
Unë i kam shpjeguar atij se mund të kthehet në një pikë referimi për një kombëtare që ka entuziazëm, ka ambicie dhe që është rritur një ligë më sipër në Ligën e Kombeve. Kemi folur më shumë se një herë dhe jam i kënaqur që ka pranuar. Shpresojmë që të mos ketë probleme për të marrë pasaportën shqiptare në kohë. Na nevojitet menjëherë. Në prag të nisjes së kualifikueseve për Botërorin “Katar 2022”.
Çfarë mundësish keni?
Mund të shkonin më mirë, pasi është një grup i vështirë. Do të debutojmë në Andorrë dhe më pas luajmë ndaj Anglisë në shtëpi. Një ndeshje që Bajrami do të donte që ta luante. Kështu që janë skuadra të forta, si Polonia dhe Hungaria.
