Pas dhënies së dëshmisë për çështjen ‘Babalja”, ish deputeti i PD, Gazmend Bardhi mohoi se është takuar me Fredi Alizotin.
Bardhi tha para gazetarëve se dëshmia e Alizotit, i cili pretendoi në gjyq se ishin takuar rastësisht, ishte gënjeshtër . Ndërsa shtoi se e ka parë për herë të parë sot në sallën e gjyqit.
“Zotëria pretendoi se rastësisht jemi takuar. Në fakt është gënjeshtër. Unë atë zotërinë e shikoja për herë të parë në sallën gjyqit”, deklaroi Bardhi.
Ndërkohë Bardhi përsëri se nuk ka marrë asnjë kërkesë nga gjykata për tu paraqitur forcërisht për të dhënë dëshminë. Ai shtoi se është njoftuar nga mediat se duhej të paraqitej në gjykatë.
“Nuk kam marrë asnjë kërkesë për tu paraqitur forcërisht në gjykatë. Jam njohur nëpërmjet medias për nevojën që kishte gjykata që unë të paraqitesha për të dëshmuar në këtë proces. Lidhur me procesin kam marrë vetëm një njoftim për thirrjen time si dëshmitar në datën 24 korrik 2019 ku për shkak të një aktiviteti politik e kam pasur të pamundur të paraqitem.
Kjo provon se ky proces është i montuar politikisht ndaj denoncuesve dhe përfaqësuesve të opozitësve. Qëllimi i tij është të intimidojnë përfaqësues të opozitës të mos denoncojnë”, tha Bardhi.
g.kosovari
