Një aksident i rëndë është regjistruar mbrëmjen e djeshme në Itali, ku viktimë ka mbetur një 2-vjeçar.
Ngjarja ka ndodhur në Palermo, në provincën Bordonaro, në pak minuta kur një familje ishte duke u kthyer për në shtëpi. Babai zbriti nga makina për të hapur derën e garazhit, ndërsa e la automjetin ndezur me dy fëmijët e tij në të, 4 dhe 2 vjeç.
Në këtë moment, më i vogli zbret nga makina duke qëndruar para saj, në pritje që i ati të hapte garazhin. Por, makina nisi të lëvizte duke përplasur të miturin dhe duke e lënë pa jetë. Ishte vëllai i tij që ndodhej brenda automjetit ai që e nisi makinën, pa e ditur se çfarë mund të shkaktonte.
2-vjeçari u dërgua menjëherë në spital, por fatkeqësisht ai kishte ndërruar jetë dhe doktorët nuk mund të bënin asgjë.
Tashmë, babi i i dy fëmijëve po përballet me akuzat për vrasje dhe pakujdesi ndaj fëmijës së tij të mitur.
/e.d
