Babai me dy djemtë përfundojnë në pranga, sepse pas një sherri kanë kanosur dhe qëlluar me armë mbi atomjetin e kushëririt të tyre.
Policia njofton se ka arrestuar shtetasit Hamid Zaja 57 vjeç dhe djemët e tij, Festim Zaja 27 vjeç e Ylli Zaja 24 vjeç, te tre banues në fshatin Larushk, Fushë-Krujë.
Së bashku, ata, pas një konflikti për motive të dobëta, kanë kanosur me armë zjarri tip pistoletë, dhe i kanë goditur makinën tip Benz me targa AA 892 DF kushëririt të tyre, shtetasit, F.Zaja, 35 vjeç.
“Nga këqyrja e vendit të ngjarjes u gjetën, 4 gëzhoja mod. 54 kalibri 7.62 mm. Gjatë kontrollit të ushtruar në banesën e shtetasve të arrestuar, i’u gjet dhe i’u sekuestrua dhe një shkop gome që mbajnë Shërbimet e Policisë”- njofton policia.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Kanosja”,”Prodhimi, mbajtja, blerja apo shitja pa leje e armëve të ftohta”,“Podhimi dhe mbajtja pa leje e armëve luftarake dhe e municionit” dhe ”Shkatërrimi i pronës” në bashkëpunim.
Panorama
