Mbi 10 plumba që kanë dalë nga një armë automatikë “Kallashnikovë”, kanë rezultuar fatale për Delon Troqen, 38 vjeçarin i cili mbeti i vrarë rreth orës 21:50 minuta të mbrëmjes së shkuar.
Viktima ka pasur plumba në kraharor, trup dhe kokë, të cilët i kanë shkaktuar edhe vdekjen. Pak pas ngjarjes dhe deri më tani, policia ka shoqëruar në Komisariat rreth 18 persona, që mund të kenë dijeni mbi ngjarjen.
Nga të dhënat e deritanishme, pista kryesore e hetimit dyshohet të jetë ndonjë konflikt që viktima mund të ketë pasur në Spanjë, pasi kishte pak ditë që ishte kthyer prej andej dhe punonte me turistë duke i shëtitur me skaf.
Në videon e mëposhtme, shihen familjarët e Delon Troqes teksa shpërthejnë në britma dhe lot pas vrasjes së 38 vjeçarit, ndërsa trupi i tij qëndron në tokë. Një person dërgjohet të thotë “erdhi ambulanca erdhi”, kurse një djalë i ri (që mendohet se është vëllai i Delon Troqes) shan dhe përplas çfarë i del përpara.
38-vjeçari ishte i martuar dhe baba i një fëmije, ndërsa është ekzekutuar me breshëri plumbash në prani të vëllait të tij, te servisi i këtij të fundit në lagjen “Pavarësia”, te zona e Skelës pranë Pallatit të Spportit./ b.h
