Në 12 shtator të vitit 1998, u vra në Tiranë deputeti 35-vjeçar Azem Hajdari. Ish-udhëheqës i Lëvizjes Studentore të Dhjetorit 1990, po ashtu njihet si themeluesi i pluralizmit politik në vendin tonë.
Sot në nderim të tij shumë figura politike do të mblidhen për t’i bërë nderimet për 21 vjetorin e vrasjes së tij.
Kështu në orën 9:00, nën kujdesin e Kryetarit të Kuvendit, z. Gramoz Ruçi, Kuvendi kanë nisur homazhet në varrin e ish deputetit Azem Hajdari, ( Varrezat e Dëshmorëve) me pjesëmarrjen e përfaqësuesve të të gjitha grupeve parlamentare.
Pjesëmarrës ishin edhe deputetët Rudina Hajdari, Adriatik Alimadhi, Lefter Maliqi etj.
Bashkëlidhur axhenda e aktivitetit të ditës së sotme për përkujtimin e Heroit të Demokracisë Azem Hajdari. Ceremonia e përkujtimit të heroit të demokracisë Azem Hajdarit.
10:00 ceremonia përkujtimore pranë memorialit.
10:30 – Deklaratë e Kryetarit Basha për mediat në përfundim të ceremonisë.
10:45 – varrezat e dëshmorëve.
11:15 – 12.00 vizitë në familje.
Azem Hajdari ishte një nga themeluesit e Partisë Demokratike, partia e parë opozitare në vend pas periudhës së diktaturës. Hajdari është nderuar me një sërë medaljesh presidenciale.
Për sa i përket vrasjes së tij që konsiderohet edhe si ‘Vrasja e Shekullit’ janë hamendësuar motive nga më të ndryshëm; politike, hakmarrje, rivalitete, grindje etj. Ndërkohë edhe pse kanë kaluar 21 vite kjo ngjarje që tronditi Shqipërinë është ende e mbuluar me mister.
