Avokati i Popullit, Igli Totozani, shpreh keqardhjen më të thellë dhe ngushëllimet më të ndjera për familjarët e personave, që raportohet se kanë humbur jetën, si pasojë e motit të keq, që ka përfshirë vendin tonë.
Avokati i Popullit po ndjek me shqetësim situatën dhe inkurajon e mbështet strukturat operacionale të emergjencave në përpjekjet për të ndihmuar qytetarët e prekur nga këto përmbytje. Ndërsa u bën thirrje banorëve në zonat e përmbytura, që të ndjekin udhëzimet e institucioneve shtetërore përkatëse, për të kapërcyer këtë situatë të vështirë.
Avokati i Popullit , Igli Totozani apelon drejtuesit e pushtetit vendor në zonat e prekura nga reshjet e dendura të shiut dhe përmbytjet që të tregojnë vëmendje maksimale për personat në nevojë , të pastrehët dhe të pamundurit. /a.m.