Avokati italian i kryebashkiakut të Kavajës Elvis Rroshi, i arrestuar për falsifikim dhe deklarim të rremë në formularin e dekriminalizimit, tha gjatë një konference për mediat se ligji në fjalë në bazë të të cilit u prangos Rroshi është lexuar gabim. Avokati deklaroi se dënimi në fjalë është shuar 16 vite më parë dhe se kjo çështje është mbyllur me kohë.
“Nuk është e mundur që për një fakt të ndodhur më parë të marrësh pasojat e diçkaje të shkruar më vonë. Leximi i ligjit të dekriminalizimit është bërë gabim. Ne rastin e Rroshit ligji është zbaruar në mënyrë të padrejtë. Çështja e veprës në Itali është mbyllur, ky është një dënim i shuar më shumë se 16 vite më parë. Në parlamentin tim unë kam votuar kundër këtij ligji, sepse shkel të drejtat civile të njeriut. Rroshi kur ka berë deklaratën nuk e dinte, faktet dolën më pas. Ligji i dekriminalizimit dhunon parimin e barazisë, dhunon efektin prapaveprues të ligjit penal”,- ”, tha avokati italian Francecso Paolo Sisto.
Ndëkrohë avokati shqiptar i Rroshit, ish-kryeprokurori Theodhori Sollaku deklaroi se në dosjen e prokurorisë ndodhen dy informacione që nuk kanë vlerën e provës. Po ashtu sipas tij faktet në fjalë, nuk diheshin nga Rroshi në momentin e plotësimit të formularit të Dekriminalizimit./a.m.
