Avokati Sokol Hazizaj i ka cilësuar si të paligjshme arrestimet e ish-ministrit Lefter Koka dhe ish-deputetit Alqi Bllako. I ftuar në Radar Informativ me Juli Xhokaxhi, Hazizaj tha ndaj tyre janë marrë masa sigurimi në fshehtësi, siç thekson ai në shkelje të procedurave.
“Ne kemi një dëshirë të madhe që njeriun duhet ta shikojmë ose duke vuajtur ose në burg. Arrestimet e tyre po të shikonin edhe masat e sigurisë do ta konstatoni se rregullimi procedura për arrestimin e tyre është i paligjshëm. Prej tyre janë marrë masa sigurimi në fshehtësi. Bllako në gjithë faktin juridik për të cilin akuzohet ka të bëjë me rregullin ligjor të funksionimit të sekretarit të përgjithshëm”, tha ai.
Hazizaj shton se masat e sigurisë ndaj tyre janë në kuadrin e show- për urinë e publikut që do të shikojë zyrtarë në burg.
“Masa e sigurimit me show duket se i ka dhënë një mundësi të madhe urisë së publikut për të parë njerëzit në burg. Drejtësia për mua nuk mund të bëjë më tepër se ajo çfarë kërkon shteti”, u shpreh avokati.
Ish-ministri i Mjedisit Lefter Koka dhe ish-deputeti Alqi Bllako ndodhen në burg për aferën e inceneratorëve. g.v/abcnews.al
