I ftuar në emisionin ‘Opinion’ avokati i biznesmenit Orest Sota, i arrestuar pak kohë më parë në Elbasan me 863 mijë euro në makinë si dhe 2 patenta për lundrim detar në emër të Saimir Tahiri ka folur për destinacionin e shumës.
I pyetur se përse ndodheshin kaq shumë para në makinë, avokati Fatmir Braka ka nxjerrë një tjetër teori. Ai tha se ato para do përdoreshin për operacionin e nënës së tij të sëmurë.
“Unë ndoshta nuk jam i autorizuar për ta thënë këtë, por Lefter Sota ka një grua të sëmurë, dhe paratë do të përdoreshin për një operacion shumë të veçantë të sajin”- tha avokati.
Ai tha se paratë po çoheshin si garanci te Kurum, dhe se transaksionet do të bëheshin përmes bankës pas do ngarkese me hekur që do merrej. pasi këto para seipas tij që u sekuestruan, do t’i ktheheshin biznesmenit Sota, pasi ishin vetëm garanci sipas marrëveshjes me përfaqësuesit e Kurum. Ai tha se mbi 700 mijë euro transaksione janë kryer me Kurum nga SOta pasi nisi kjo çështje.
/a.m.
