Avokati i deputeti të PS: Prenga është ndaluar nga Policia në shkelje flagrante të ligjit
Avokati i deputetit Armando Prenga, e ka konsideruar ndalimin e deputetit të PS në kushte flagrante të shkeljes së ligjit.
Sipas tij, “ndalimi i deputeti nga ana e Policisë, është bërë në shkelje flagrante të ligjit”. Avokati informoi se për momentin ende nuk është lejuar nga ana e policisë së Tiranës që të takojë klientin e tij dhe në këto rrethana ai nuk mund të bëjë deklarime për dinamikën sesi është zhvilluar ngjarja.
Avokati i Prengës shprehet se edhe moslejimi i tij për të takuar deputetin përbën një shkelje të ligjit. Deputeti socialist për momentin mbahet në drejtorinë e policisë së Tiranës.