Kush është Armando Prenga, nga goditja ndaj Strazimit tek konflikti në Laç
Deputeti socialist Armando Prenga është një politikan kontrovers. Emri i tij në fakt është bërë mediatik për disa sherre në Parlament. Ai ka lindur në Laç më 26 qershor të vitit 1974. Ai është diplomuar në fakultetin juridik dhe ka punuar më parë si jurist në subjekte private. Ai është zgjedhur si deputet në dy mandatet e fundit të zgjedhjeve paralmentare. Pjesë e grupit parlamentar të Partisë Socialiste, ai është anëtar i komisionit për sigurinë kombëtare.
Emri i Prengës u bë i njohur në mars të vitit 2011, kur deputeti Prenga godet kolegun demokrat, Edi Palokën. Gjithçka nisi kur deputeti socialist Paulin Sterkaj i ka hequr mikrofonin deputetit demokrat Edi Paloka. Për t’i ardhur në ndihmë Sterkajt ka menduar Prenga duke përdorur edhe grushtet kundër Palokës.
Një vit më parë, në maj të 2014-ës, emri i Prengës u mediatizua sërish kur rrahu me rrip deputetin demokrat, Genti Strazimirin.
Gjithçka nisi kur deputeti demokrat Gent Strazimiri dhe ai socialist Xhemal Qefalia janë konfliktuar fizikisht me njëri-tjetrin në derën e tualetit të Kryesisë së Kuvendit teksa në sallën e komisionit të Ligjeve raportonte ministrja e Mbrojtjes Mimi Kodheli. Për të shuar sherrin, por që në fakt e ka ndezur më keq, deputeti socialist Armando Prenga ka përfunduar duke rrahur me rripin e tij të pantallonave Strazimirin.
