Teksa sot pritej të mbahej seanca e dytë paraprake për çështjen e kryebashkiakut të Tiranës, Erion Veliaj, bashkëshortes së tij dhe personave të tjerë, gjyqi është shtyrë.
Seanca e radhës do të mbahet më 21 tetor, në orë 9:00. Shkak i shtyrjes u bë bojkoti i avokatëve për shkak të ngjarjes që ndodhi para disa ditësh te Gjykata e Apelit, ku u vra Astrit Kalaja.
Në seancën do të shqyrtoheshin akuzat penale që rëndojnë ndaj Veliajt, i cili prej 10 shkurtit ndodhet pas hekurave. Në seancë do të vendosej nëse dosja ndaj ish-kryebashkiakut do të kalojë apo jo për gjykim.
