Një avion zbulues i marinës amerikane P-8A Poseidon kaloi ngushticën e Tajvanit në hapësirën ajrore ndërkombëtare sot. Sipas SHBA-së kjo është në përputhje me ligjin ndërkombëtar, ndërsa kjo ka sjellë zemërimin e Pekinit.
Flota e Shtatë e SHBA, në një deklaratë, saktësoi se me iniciativën “Shtetet e Bashkuara mbështesin të drejtat dhe liritë e lundrimit të të gjitha kombeve dhe angazhimin për një Indo-Paqësor të lirë dhe të hapur”.
Por reagimi i Pekinit është i ashpër, i cili i konsideron këto veprime provokuese që vënë në rrezik paqen dhe sigurinë.
“Kohët e fundit, luftanijet dhe avionët luftarakë të SHBA-së kanë kryer shpesh veprime provokuese duke vënë në rrezik paqen dhe sigurinë”, u përgjigj Komanda e Teatrit Lindor të Ushtrisë Çlirimtare Popullore.
Ndërkohë, gjithsej 38 avionë kinezë dhe 6 anije luftarake u zbuluan rreth Tajvanit deri në orën 6 lokale. Ministria e Mbrojtjes e ishullit tha se forcat e saj të armatosura “monitoruan situatën dhe mobilizuan forcat ajrore, marinën dhe sistemet raketore me bazë tokësore” për të ndjekur aktivitetet e tyre.
Për më tepër, 19 avionë (përfshirë 5 Su-30 dhe tetë J-10) kaluan “vijën mesatare të ngushticës së Tajvanit ose hynë në Zonën e Identifikimit të Mbrojtjes Ajrore (Adiz)”. Një dron kinez TB-001, ka fluturuar rreth Tajvanit duke përfunduar një provë të paprecedentë rrethimi.
/a.r
