Donis Avdijaj, i cilësuar si supertalenti i Schalke 04, aktualisht i huazuar te Sturm Graz, nuk do të jetë me Shqipërinë në Euro 2016.
Lojtari që bëri bujë me klauzolën e lirimit 49 miliono euro në kontratën me klubin gjerman, vitin e kaluar shprehur dëshirën që të luajë me kuqezinjtë, pasi ka luajtur më parë me të rinjtë e Gjermanisë, ku ka pasur shifra fenomenale në raportin gola/ndeshje.
Por, i cituar nga gazeta Bild, Gianni De Biasi ka përjashtuar mundësinë që ai të jetë në finalet franceze.
“Donis Avdijajn nuk e kam në konsideratë për finalet e europianit. Vetëm për eliminatoret e botërorit Rusi 2018 do ta kem parasysh”, trajneri i Shqipërisë, i pyetur në prag të miqësores së sotme me Austrinë në Vjenë.
