Autoriteti i Konkurrencës ka vendosur mbylljen e proçedurës së hetimit paraprak në tregun e shërbimeve të hotelerisë, pasi nuk ka gjetur asnjë provë direkte apo indirekte që të provojë një marrëveshje apo sjellje të bashkërenduar midis konkurrentëve për fiksim të çmimeve të shërbimit të hotelerisë.
Hetimi kishte nisur pasi pranë Autoritetit të Konkurrencës ishte depozituar një ankesë, në të cilën pretendohet se nga disa hotele në Tiranë, Sarandë etj, janë kryer shkelje të Ligjit nr 9121, “Për Mbrojtjen e Konkurrencës”, i ndryshuar, duke përdorur pranë emrit të tyre emrin “Tirana Hotel”, e cila sipas ankimuesit përbën një kufizim të konkurrencës në tregun e hotelerisë. Gjithashtu, ankimuesi pretendon se është konstatuar edhe ofrim i shërbimeve me çmime të ngurtësuara dhe të fiksuara nga ana e tyre, si dhe praktika të bashkërenduara në caktimin e tyre dhe ndarjen e tregjeve të këtyre shërbimeve.
MONITOR
